Wo kahte hain

Wo kahte hain kavita likhna,
Mere is hriday ka vedan hai.

Wo kahte hain mere shabdon mein,
Teri aakhon ka sanvedan hai.

Yoon smarit hue ho tum is pal,
Man vyakul hai man hai chanchal.

Ab shabdkosh bhi rikt huaa hai,
Abhivyakti ka uttejan hai.

Wo kahte hain kavita likhna
Tum bin ab mera jeevan hai.

Wo kahte hain meri saanse,
Tere jeevan par arpan hain.

Mera yah jeevan dhanya huaa,
Yadi choo paaoon pratibimb tera.

Tumhe paane ki abhilaasha nahin,
Shat janmon tak abhinandan hai.